Virtual Ceremony ng Kasalang Bayan 2021, idinaos sa Tanauan City

Kasabay ng pagdiriwang ng
Araw ng mga Puso, tagumpay na idinaos ng pamahalaang lungsod ang Kasalang Bayan 2021 sa
pangunguna ni Mayor Angeline “Sweet” Halili sa pamamagitan ng isang “virtual ceremony” noong
Pebrero 14, 2021. Ang naturang seremonya sa kabila ng kinakaharap na pandemya ay
isinakatuparan upang magpatuloy ang taunang programa ng lokal na pamahalaan na naglalayong
magbigay ng libreng kasal sa kanilang mga nasasakupan. May kabuuang limampu’t isang (51) pares
ang pinag-isang dibdib ni Mayor Halili sa pamamagitan ng “computer application” na “Zoom”.
Nauna nang pinadalhan ng alkalde ang bawat ikinasal na pares ng “wedding cake” upang gamitin sa
okasyon gayundin ng “couple’s watch” bilang regalo mula sa pamahalaang lungsod. (Maireen
Jenzen Nones / CIO Tanauan | Photo Courtesy: Roderick Lanting | February 18, 2021) #